Medvedev: “Qərblə razılığa gələnlərə münasibət dəyişəcək”

“Avropa İttifaqı ilə Assosiasiya Sazişini ratifikasiya etməklə Moldova özünün Rusiya və Avrasiya Gömrük İttifaqı ilə münasibətləri üçün yeni hüquqi baza yaratmış oldu”.

Bunu Rusiya Federasiyasının (RF) baş naziri Dmitriy Medvedev deyib.

O, istər Moldovanın, istərsə də Assosiativ Sazişə qoşulan ölkələrin bu addımını münasibətlərin dəyişməsinə əsas səbəb kimi qiymətləndirib: “Onlar başa düşməlidir ki, Rusiya və Avrasiya Gömrük İttifaqı ilə münasibətləri yeni məcraya yönəltmiş oldular”.

Qeyd edək ki, Ukrayna, Moldova və Gürcüstan eyni gündə - iyunun 27-də Assosiativ Sazişə qoşulub.

/apa/