Azərbaycan, Gürcüstan və Türkiyə hərbi memorandum imzalayacaq

Azərbaycan, Gürcüstan və Türkiyə müdafiə sahəsində əməkdaşlıq haqqında memorandum imzalayacaq.

Bu barədə razılıq Gürcüstan və Türkiyəin müdafiə nazirləri Levan İzoriya ilə Fikri İşıkın fevralın 16-da Brüsseldə keçirilən görüşü zamanı əldə olunub.

Gürcüstanın müdafiə idarəsinin mətbuat xidmətindən bildirildiyinə görə, görüşdə Azərbaycan, Gürcüstan və Türkiyə arasında üçtərəfli əməkdaşlıq məsələləri müzakirə olunub. Nazirlər bu formatda əməkdaşlığa dair memorandum imzalamaq niyyətindədirlər. Memorandumun layihəsinin hər üç ölkənin müdafiə nazirlərinin bu ilin mayında Tbilisidə keçiriləcək görüşündə imzalanması planlaşdırılır.

Nazirlər hər üç ölkənin baş qərargah rəislərinin bu ilin aprelində Tbilisidə keçiriləcək görüşü barədə məsələni də müzakirə ediblər.
/Report/