6 İyul 2017 09:17
540

Azərbaycanın Birinci Vitse-prezidenti Mehriban Əliyeva iyulun 4-də saat 20 radələrində Azərbaycanın işğal olunmuş ərazilərindən Füzuli rayonunun Alxanlı kəndinin atəşə tutulması zamanı 2 yaşlı Zəhranın həlak olmasına münasibət bildirib.

Teleqraf.com xəbər verir ki, Mehriban Əliyeva fikirlərini özünün rəsmi “Twitter” hesabında yazıb:

“Azərbaycan erməni işğalına, günahsız insanların qətlə yetirilməsinə qarşıdır! Allah balaca Zəhraya və bütün şəhidlərimizə rəhmət eləsin!”

Qeyd edək ki, erməni təxribatı nəticəsində Alxanlı kənd sakinləri - 1966-cı il təvəllüdlü Allahverdiyeva Sahibə İdris qızı və onun nəvəsi 2016-cı il təvəllüdlü Quliyeva Zəhra Elnur qızı həlak olub, digər mülki şəxs 1965-ci il təvəllüdlü Quliyeva Səlminaz İltifat qızı isə ağır bədən xəsarətləri alaraq xəstəxanaya yerləşdirilib.


Müəllif: Samir