Azərbaycan "Qarabağ" qələbəsini bayram edir - Fotoreportaj

Hazırda Bakıda “Qarabağ” klubunun azarkeşləri sevimli komandalarının Çempionlar Liqasının qrup mərhələsinə yüksəlməsini böyük sevinclə qeyd edirlər.

Teleqraf.com “Qarabağ”ın qələbəsini qeyd edən Bakı sakinlərinin xoş anlarını təqdim edir.

Qeyd edək ki, bu gün UEFA Çempionlar Liqasının pley-off mərhələsində Ağdamın “Qarabağ” klubu həlledici matça çıxıb.

Qurban Qurbanovun komandası səfərdə Danimarkanın “Kopenhagen” klubu ilə qarşılaşıb.

Matç “Kopenhagen”-in 2:1 hesablı qələbəsi ilə başa çatıb. İki oyunun nəticəsi bərabər olsa da, rəqib meydanda vurulan top hesabına “Qarabağ” növbəti mərhələyə adlayıb. Danimarka təmsilçisi ilə Bakıdakı görüş Qurban Qurbanovun yetirmələrinin 1:0 hesablı qələbəsi ilə yekunlaşıb.

Beləliklə, “Qarabağ” Çempionlar Liqasının qrup mərhələsinə yüksələn ilk Azərbaycan klubu olub.