İraq kürdlərinə dəstək vermişik - Ərdoğandan şok sözlər

Şimali İraq Kürd Muxtariyyətinə ən çox dəstəyi biz verdik. Əlimizdə olan imkanları onlarla bölüşdük. Zaman gəldi, dost bildiyimiz ölkələri onlar üçün əleyhimizdə gördük.

Teleqraf.com-un məlumatına görə, bu sözləri Türkiyə Prezidenti Rəcəb Tayyib Ərdoğan bu gün Ərzurumdakı toplantıda deyib.

Ərdoğan sözünə belə davam edib: "Yeganə istəyimiz İraqın ərazi bütövlüyüdür. Keçmişdəki əməlimizə görə peşiman deyilik. Şimali İraq bizə qarşı addım atdı, bunun bədəlini ödəyəcək".

Rəcəb Tayyib Ərdoğan İraq Kürdüstanı rəhbərlərinin Mossadla əlaqələrinə də toxunub: "İsrail bayraqları ilə dolaşmaları bizi üzdü. Bu rəhbərliyin Mossadla əlaqələri üzə çıxdı".

Türkiyə prezidenti Kərkükü mübahisəli ərazi adlandırıb: "Kərkük beynəlxalq hüquqla mübahisəli ərazidir. Bunlar (Şimali İraq Kürd Muxariyyətinin rəhbərləri nəzərdə tutulur-red.) bizimdi deyir. Kərkükün keçmişində siz olmamısız".