4 Avqust 2014 16:08
580

“Ermənistan tərəfi prezidentlərin görüşünün baş tutmaması üçün təxribat törədir”

Azərbaycan Prezidenti Administrasiyası rəhbərinin müavini Novruz Məmmədov bildirib ki, ermənilərin milli ordumuzun üzbəüz mövqelərini atəşə tutduğu zaman Azərbaycan Prezidenti İlham Əliyev ölkədə olmayıb.

Cənab Prezident qısamüddətli istirahətdə idi. Eyni zamanda, Azərbaycanın müdafiə naziri Zakir Həsənov da vətəndə deyildi. “Belə olan halda ermənilər Azərbaycan Silahlı Qüvvələrinin üzərinə böhtan atır ki, guya, diversiya qrupları Ermənistan silahlı qüvvələri olan tərəfə bir neçə dəfə soxulublar. Axı bu heç bir məntiqə uyğun deyil. Əgər belə olsaydı, mütləq bu proseslərin təşkili üçün ölkə rəhbərinin razılığı, Müdafiə Nazirliyinin təşkilatçılığı olardı. Amma onların heç biri Azərbaycanda olmayıb. Buna baxmayaraq, Ermənistan tərəfi hücum planını qurarkən rəhbərin ölkədə olmamasından istifadə edib”.

ANS


Müəllif:
Загрузка...