Müxaliflər Türkiyəyə səsləndi: “Köməyə hazırıq”

Suriyalı müxaliflər Afrin əməliyyatı ilə bağlı Türkiyəyə müraciət edib.

Teleqraf.com xarici mediaya istinadla xəbər verir ki, bununla bağlı Suriya Müxalifləri və Qiyamçı Qüvvələr Beynəlxalq Koalisiyasının sədr müavini Əbdülrəhman Mustafa danışıb.

O bildirib ki, Afrindəki PYD/PKK terrorçuları ilə mübarizədə Türkiyə ilə birlikdə əməliyyatlarda iştirak etmək niyyətindədirlər.

Mustafa əlavə edib ki, Afrin əməliyyatı ən qısa müddətdə başlamalıdır: “Türkiyəni dəstəkləyir və ona kömək etməyə hazırıq. Fərat Qalxanı Hərəkatında olduğu kimi bu döyüşlərdə də iştirak etmək istəyirik”.