Türkiyədə məscidə raket atıldı: Ölən və yaralananlar var - Yeniləndi

19:41

Türkiyənin Kilis şəhərinin mərkəzi raket atəşinə tutulub.

Teleqraf.com xəbər verir ki, hadisə nəticəsində çoxlu sayda yaralananların olduğu bildirilir. Hadisə yerinə ambulanslar cəlb olunub.

Raketin Kilisdəki məscidə düşdüyü bildirilir. Yaralılar Kilis Dövlət Xəstəxanasına çatdırılıblar.

Kilis icra nümayəndəsi Mehmet Tekinarslan PYD/PKK məscidə atılan raket nəticəsində 8 nəfərin yaralandığını, onlardan 2-sinin durumunun ağır olduğunu bildirib.

***

Türkiyənin Kilis şəhərinin Suriyanın Afrin bölgəsindən raket atəşinə tutulması nəticəsində bir nəfər ölüb.

Məlumata görə, hadisə nəticəsində, ümumilikdə 13 nəfər yaralanıb, onlardan biri həkimlərin səylərinə baxmayaraq, xəstəxanada dünyasını dəyişib.

Bir nəfərin vəziyyəti isə ağır olaraq qalır.