59 il sonra ilk dəfə: Ərdoğan Papa ilə görüşdü – Video/Yeni

13:00

Türkiyə Prezidenti Rəcəb Tayyib Ərdoğan Vatikana səfər edib.

Teleqraf.com xarici mediaya istinadla xəbər verir ki, 59 il sonra bu ölkəyə səfər edən ilk Türkiyə prezidenti olan Ərdoğan rəsmi mərasimlə qarşılanıb.

İkigünlük səfər zamanı Türkiyə prezidenti Roma Papası və İtaliyanın baş naziri ilə görüşəcək.

***

14:48

Türkiyə Prezidenti Rəcəb Tayyib Ərdoğan Roma Papası Fransisk ilə görüşüb.

Qapalı şəraitdə keçən və 1 saat davam edən görüşün təfərrüatı açıqlanmayıb.

***

Türkiyə Prezidenti Rəcəb Tayyib Ərdoğan Roma Papası Fransisk ilə görüşün detallarını açıqlayıb.

O bildirib ki, görüş zamanı Qüds məsələsi müzakirə edilib:

“BMT qərarları və Qüdsün beynəlxalq hüquq tərəfindən təsdiq edilmiş statusunun mühafizəsi məsələsində razılığa gəldik. ABŞ–ın Qüds qərarının qadağalı olduğunu söylədik. Bundan başqa, islamofobiya məsələsini müzakirə etdik”.