Ərdoğan: “Bunun qisası qat-qat artıq alınacaq”/Yeni

16:17

Az öncə bir helikopterimizi vurdular.

Teleqraf.com xəbər verir ki, bu xəbəri AKP-nin toplantısında çıxış edən Türkiyə Prezidenti Rəcəb Tayyib Ərdoğan deyib.

Prezident müharibə vaxtı itkilərin olacağını təbii saydığını bildirib:

“Təhlükəsizlik qüvvələrimiz sərhədlərimizin içində və xaricində ürəkləriylə, biləkləriylə, cəsarətləriylə, qanlarıyla böyük bir savaş aparır. Bu günə qədər 1141 terrorçunu zərərsizləşdirmişik. Az öncə isə bir helikopterimiz vuruldu. Təbii ki, savaş gedir, itkilərimiz də olacaq”.

Ərdoğan bunun qisasının artıqlamasıyla alınacağını da deyib:

“Bizim bir helikopterimiz vurula bilər, amma onlar bunun əvəzini bir helikopterlə deyil, qatbaqat artıqlamasıyla ödəyəcəklər. Çünkü biz qərarlıyıq. İnanırıq və üstünük. Bunu da bacaracağıq”.

***

Qeyd edək ki, hərbi helikopter vurulması nəticəsində Türkiyə ordusunun iki hərbçisi həyatını itirib.