6 Avqust 2014 22:30
670

Ermənistanın intensiv olaraq atəşkəsi pozması nəticəsində 2 azyaşlı uşaq yaralanıb

Ötən gecə Ağstafa rayonunun Köhnə Qışlaq kəndinin atəşə məruz qalamsı nəticəsində 10 yaşlı kənd sakini Qoşqar Abbasov xəsarət alıb. Məlumata görə, ermənilərin acdığı atəş nəticəsində uşağın yaşadığı evin pəncərələri sınıb. Şüşə qırıqları, qəlpələr azyaşlının boynundan yaralanması ilə nəticələnib. Uşağa ilkin tibbi yardım göstərilib, vəziyyəti normaldır.

Ermənilərin Tovuz istiqamətində açdığı atəş rayonun Mülkülü kənd sakini 14 yaşlı İsmayılov Sərxan Əlağa oğlunun əlinə dəyib. Hər iki yaralı rayonlardakı mərkəzi xəstəxanalara yerləşdiriliblər. Rayon xəstəxanasından verilən məlumata görə, artıq uşaq evə göndərilib.

Qoşqar Abbasovun nənəsi Vəzduha Abbasovanın sözlərinə görə, uşağ evdən çıxıb, mətbəxin qapısına çatar-çatmaz evi tüstü-duman bürüdü: “Bu an gördüm ki, uşaq üzü üstə yerə yıxıldı. Dərhal anası Qoşqarı quçağına alıb içəri otağa apardı. Gördük ki, boyun nahiyəsindən qan axır”.


Müəllif: