Afrində son dəqiqə: Çox az qaldı

Türkiyə Silahlı Qüvvələri və Azad Suriya Ordusu Afrində “Zeytun budağı” hərəkatı çərçivəsində daha bir kəndi azad edib.

Teleqraf.com xarici mediaya istinadla xəbər verir ki, Bafler kəndi terrorçulardan tamamilə təmizlənib və müxaliflərin nəzarətinə verilib.

Bununla da terrorçulardan təmizlənən məntəqələrin sayı 100-ə çatıb.

TSQ Baş Qərargahından verilən məlumata görə, ümumilikdə 415 kvadrat kilometrlik ərazi terrorçulardan azad edilib.

PKK terrorçularının Afrində Türkiyə sərhədi ilə əlaqəsinin kəsilməsinə şimaldan 7, qərbdən 7,8 kilometr məsafə qalıb.