Afrinin “Şimal qapısı” Türkiyənin əlində

Türkiyə Silahlı Qüvvələri (TSK) bu gün Suriyanın Afrin bölgəsində Şeran, Katme, Kefer Cənnə və Maşele kəndlərini terrorçulardan təmizləyərək şəhərin Şimal girişini nəzarətə götürüb.

Teleqraf.com xəbər verir ki, yanvarın 20-dən başlayan "Zeytun budağı" əməliyyatının 48-ci günündə TSK həmçinin Cindərəsi azad etməklə 150 məntəqəyə nəzarəti təmin edib.

Terrorçuların Afrindən Azizə və Hələbə gedən yolları hazırda Türkiyənin nəzarətinə keçib.

Əməliyyat zamanı PKK-nın bir neçə sığınacağı ələ keçirilib.