"Biz cəza çəkirik, buna baxmayaraq..." - 16 saylı CM

32 saylı Suraxanı Seçki Dairəsinin 31 saylı seçki məntəqəsində 16 saylı cəza çəkmə müəssisəsində saxlanılan məhkumlar səs verirlər.

Teleqraf.com xəbər verir ki, bu məntəqədə 833 nəfər seçici qeydiyyata alınıb. Məntəqədə səs verənlər arasənda 778 nəfər məhkum, qalanları isə həqiqi hərbi xidmətdə olanlardır.

Məntəqənin sədri Səbuhi Əliyev bildirib ki, 300-dən çox məhkum bu saata qədər məntəqədə səsvermədə iştirak edib.

Məhkum İman İbarhimov bildirib ki, seçkilər normal qaydada keçir: "Biz cəza çəkirik, buna baxmayaraq, öz seçimimizi edirik".