Gömrükdə siqaret keçirmək cəhdi baş tutmadı

Gömrük nəzarətindən gizlədilən siqaretlər və mobil telefonlar aksesuarları aşkarlanıb.

Dövlət Gömrük Komitəsinin (DGK) mətbuat xidmətindən Teleqraf.com-a bildirilib ki, Tovuz Gömrük İdarəsinin Gömrük hüquqpozmalarına qarşı mübarizə şöbəsinə daxil olan məlumat əsasında, idarənin “Sınıq Körpü” gömrük postunda Gürcüstandan gələn Azərbaycan vətəndaşının idarə etdiyi avtomobilə baxış keçirilib. Baxışdan öncə, vətəndaş üzərində və idarə etdiyi nəqliyyat vasitəsində gömrük nəzarətindən gizlədilmiş hər hansı predmetin olmadığını bildirib. Lakin yoxlama zamanı avtomobilin salonunda qoltuqaltının altında 2000 ədəd “King” markalı siqaret və mobil telefon üçün 4 ədəd enerji yükləyicisi, 4 ədəd qulaqcıq, 20 ədəd qutu aşkar edilib.

Faktla bağlı araşdırma aparılır.