Yaponiyalı nazir XİN-ə gəldi – Məmmədyarovla görüş başladı

Yaponiyanın xarici işlər naziri Taro Kono Azərbaycandadır.

Teleqraf.com xəbər verir ki, yaponiyalı nazir az öncə Xarici İşlər Nazirliyinə gəlib. Onu nazir Elmar Məmmədyarov qarşılayıb.

Hazırda XİN-də nazirlərin görüşü keçirilir. Əvvəlcə təkbətək keçirilən görüş daha sonra nümayəndə heyətlərinin iştirakı ilə davam etdiriləcək.

Qeyd edək ki, yaponiyalı nazir sentyabrın 2-dən Cənubi Qafqaz ölkələrində səfərdədir. T.Kono əvvəlcə Ermənistana və Gürcüstanda olub. Bu, Yaponiya XİN rəhbərinin Ermənistan və Gürcüstana ilk səfəridir. O, 1999-cu ildən sonra Yaponiyadan Azərbaycana səfər edən ikinci xarici işlər naziridir.