Mülki Məcəlləyə dəyişikliklər edildi

Milli Məclis Mülki Məcəlləyə dəyişikliklər edilməsi haqqında qanun layihəsini ikinci oxunuşda müzakirəyə çıxarıb.

Teleqraf.com xəbər verir ki, dəyişikliklər haqqında deputatlara İqtisadi siyasət, sənaye və sahibkarlıq komitəsinin sədri Ziyad Səmədzadə məlumat verib.

O, deyib ki, həm “Banklar haqqında” qanuna, həm də Mülki Məcəlləyə dəyişikliklər eyni mahiyyətdədir:

“Bu məsələ komitədə müzakirə edilərkən ona əlavə və düzəlişlər təklif olundu. Qeyd edim ki, Maliyyə Bazarına Nəzarət Palatasının mütəxəssislərinin iştirakı ilə bu məsələ geniş müzakirə olunub”.

Daha sonra deputatlar qanun layihəsini qəbul edib.