Gömrükdə meyvə-tərəvəz yüklərindən nələr çıxdı? - Foto

Gürcüstandan gələn Azərbaycan vətəndaşının idarə etdiyi avtomobildə pirotexniki vasitələr aşkarlanıb.

Dövlət Gömrük Komitəsinin mətbuat və ictimaiyyətlə əlaqələr idarəsindən Teleqraf.com-a bildirilib ki, "Qırmızı Körpü" gömrük postuna Gürcüstandan gələn Azərbaycan vətəndaşının idarə etdiyi "Opel Vectra" markalı avtomobil saxlanılıb və gömrük baxışı keçirilib.

Baxış zamanı, nəqliyyat vasitəsinin arxa buferinin və yük yerində olan meyvə - tərəvəz yüklərinin altından üzərində "S-Terminator" yazısı olan 120 ədəd, üzərində "Magic Shoots 20S" yazısı olan 120 ədəd, üzərində "Magic Shoots 30S" yazısı olan 120 ədəd, üzərində "Magical Candle" 40 Ball" yazısı olan 120 ədəd, üzərində "Magical Candle 60 Ball" yazısı olan 30 ədəd, üzərində "Big Bang" yazısı olan 250 ədəd, üzərində "Magnum" yazısı olan 250 ədəd, üzərində "Big fish cracker" yazısı olan 25 ədəd, üzərində "Colorful Magic" yazısı olan 3 ədəd, üzərində "Sky City 10 shoots" yazısı olan 4 ədəd, üzərində "Classic Forever 10 shoots" yazısı olan 4 ədəd, üzərində "Wonderful Performans" yazısı olan 3 ədəd , ümumilikdə 1049 ədəd pirotexniki vasitə aşkarlanıb.

Faktla bağlı araşdırma aparılır.