Azərbaycanın Xarici İşlər naziri Elmar Məmmədyarovla Ermənistanın Xarici İşlər naziri vəzifəsini icra edən Zöhrab Mnatsakanyan arasında Parisdə görüş başlayıb.
Teleqraf.com xəbər verir ki, ATƏT-in Minsk qrupu həmsədrlərinin vasitəçiliyi ilə keçirilən görüşdə ATƏT-in fəaliyyətdə olan sədrinin şəxsi nümayəndəsi Anjey Kasprşik də iştirak edir.
Görüşdə Ermənistan-Azərbaycan, Dağlıq Qarabağ münaqişəsinin həlli üzrə danışıqlar prosesinin müzakirəsi nəzərdə tutulub.
Qeyd edək ki, dünən yanvarın 15-də Azərbaycanın XİN rəhbəri Elmar Məmmədyarov ATƏT-in Minsk qrupunun həmsədrləri (İqor Popov – Rusiya Federasiyası, Stefan Viskonti – Fransa və Endryu Sxofer – ABŞ) ilə görüşmüşdü.
Bu gün isə həmsədrlərin Zöhrab Mnatsakanyanla görüşü baş tutub.