Ermənistan parlamentində Qarabağ dinləmələri keçiriləcək

Ermənistan parlamentinin Müdafiə və təhlükəsizlik məsələləri komissiyasında yaxın günlərdə Qarabağ münaqişəsinin tənzimlənməsi prosesi üzrə dinləmələr keçiriləcək.

Dinləmələrdə Azərbaycanın Ermənistan tərəfindən işğal edilən Dağlıq Qarabağ bölgəsində yaşayan erməni icmasının nümayəndəsinin də iştirakı gözlənilir.

Qeyd edək ki, Ermənistanın Baş naziri Nikol Paşinyanın parlamentdəki “Mənim addımım” fraksiyasının üzvü, komissiyanın sədri Andranik Koçaryan məsələni şərh etməkdən boyun qaçırıb.