Novruz Təbrizdə belə qeyd olunur – Foto

Novruz bayramı Güney Azərbaycan şəhərlərində də kütləvilik və geniş coşqu ilə qeyd edilir.

Teleqraf.com xəbər verir ki, mərasimlərin keçirildiyi yerlərdən biri Təbriz bazarı olub.

Bu məkanda martın 19-da “Təkəm gəzdirmə”, aşıq musiqisi, Azərbaycanın qədim oyunları və ilaxır çərşənbə ilə bağlı mərasimlər nümayiş etdirilib.

Tədbirlərin keçirilməsində məqsəd yerli mədəniyyət və adət-ənənələri qoruyub saxlamaqdır. Oxşar mərasimlər Güney Azərbaycanın digər şəhərlərində də keçirilir.

Novruz bayramı Azərbaycanın adət-ənənələrini, milli ruhunu özündə əks etdirən ən gözəl el şənliyi sayılır. Bu bayram azərbaycanlılar tərəfindən böyük sevinclə qarşılanır. Güneydə yaşayan azərbaycanlılar da bu mənada istisna deyillər.