"Forumun gözəl nəticələr verəcəyinə şübhə etmirik" - Migel Angel Moratinos

"V Ümumdünya Mədəniyyətlərarası Dialoq Forumu çox yüksək səviyyədə təşkil edilib. Bu forumun gözəl nəticələr verəcəyindən şübhə etmirik. Biz bilirik ki, forumda əsas diqqəti millətlərarası mədəniyyətlərarası töhfə və dəyərlərə yönəldilməlidir. Bu yolda biz hamımız vahid töhfə verməyə çalışmalıyıq".

Teleqraf.com xəbər verir ki, bu sözləri bu gün Bakıda “Ayrı-seçkilik, qeyri-bərabərlik və zorakı münaqişəyə qarşı fəaliyyət naminə dialoq quraq” şüarı altında V Ümumdünya Mədəniyyətlərarası Dialoq Forumunda çıxış edərkən
BMT-nin Sivilizasiyalar üzrə Alyansının Ali nümayəndəsi Migel Angel Moratinos deyib.

Moratinosun sözlərinə görə, BMT-nin dəstəyi ilə keçirilən Bakı Forumu bu prosesə əhəmiyyətli töhfə verəcək: “
Müxtəlif münaqişələr hər zaman və hər yerdə olub. Hazırda çox təhlükəli və fərqli yanaşmalar mövcuddur. Biz nifrətin azalmasına çalışmalıyıq. Məsələ dində deyil, problem dinlə manipulyasiya edən insanlardır. Bu planetdə yaşayan bütün insanları, dini azadlıqları qorumalıyıq. Onlar sülh və əmin-amanlıq içində ibadət etmək haqqına malik olmalıdırlar. BMT Sivilizasiyalarası Alyansı sülhü təşviq edir. Forum beynəlxalq ictimaiyyətə mühüm siqnal göndərəcək. Biz birlikdə yaşaya bilərik, biz bir-birimizə hörmətlə yanaşa bilərik, biz müxtəlif mədəniyyətləri və dinləri anlamağı öyrənməliyik. Alyansla çalışmaqla insanların sülh və əmin amanlıq içində yaşaması təmin etməliyik”.