Fuad Abbasov: "Fəaliyyətimi davam etdirəcəyəm"

"Fəaliyyətimi davam etdirəcəyəm, məhkəməyə müraciət mütləq edəcəyəm".

Bunu " Rusiyadan Azərbaycana deportasiya edilən jurnalist Fuad Abbasov jurnalistlərə açıqlamasında deyib.

"Hər kəsə təşəkkür edirəm. Mən bura bu qədər insanın gəlməsini istəmirdim. Ona görə də heç kimə heç bir xəbər verilməmişdi. Özüm üçün də gözlənilməz oldu çıxmağım (deportasiya olunması – red.). Tam 40 gün boyunca qapalı məkanda qalmışam. Ona görə də bir az dincəlmək istəyirəm. Dünən axşam dindirilmişdim və bu gün səhər gözlənilmədən xəbər çıxdı ki, artıq Rusiyanı tərk edirəm", - deyə Fuad Abbasov bildirib.