DİN-dən qərar: Sürücü ilə kobud davranan yol polisi orqandan qovuldu - Foto

Sosial şəbəkələrdə yol polisi əməkdaşının sürücü ilə kobud davranmasını əks etdirən görüntülər yayımlanıb.

Teleqraf.com-un xəbərinə görə, mövzu ilə bağlı DİN Mətbuat Xidmətinin şöbə rəisi, polis polkovniki İlham Babayev "Report"un sorğusuna cavab olaraq bildirib ki, yol verdiyi qəbahətlərə görə Sumqayıt Şəhər Polis İdarəsinin Yol Patrul Xidmətinin əməkdaşı İsmayıl Məmmədov daxili işlər orqanlarında xidmətdən xaric olunub.