Biləsuvarda it 9 yaşlı oğlanın cinsiyyət üzvünü qopardı - FOTO

Biləsuvarda bədbəxt hadisə baş verib. Cəbrayıldan olan məcburi köçkün, 2005-ci il təvəllüdlü Ağakişiyev Fəridi qonşunun nəzarətsiz qalan iti dişləyib. Nəticədə uşaq ağır bədən xəsartələri alıb.

Bu barədə məlumatı Modern.az-a Fəridin babası Ağakişiyev Allahyar məlumat verib. Babanın sözlərinə görə, hadisə 19 sentyabr saat 14 radələrində baş verib. Hadisədən sonra zərərçəkən dərhal Cəbrayıl Rayon Xəstəxanasına aparılıb. İt uşağın sol qolunu, sağ ayağının barmaqlarını, cinsi orqanının dişləyərək qoparıb. İlkin tibbi yardımdan sonra onlara Fəridi İmişli Rayon Xəstənasına aparmaq tövsiyyə olunub. Orada uşağa quduzluğa qarşı peyvənd vuruluraq Bakıya aparılması məsləhət görülüb. Səbəb kimi şəraitin olmaması əsas gətirilib. Beləliklə, çarəsiz baba nəvəsini Bakıdakı Respublika Xəstəxanasına gətirib.

Allahyar Ağakişiyev 1 saat 48 dəqiqəyə Fəridi Bakıya çatdırdığını söyləyib: "Bakıdakı xəstəxanada bizi xeyli gözlədəndən sonra məcbur olub qaynar xəttə zəng vurduq. Axşam saat 21:00-a qədər bizi gözlətdilər. Dedilər, “səhər açılsın”, “filan həkim gəlsin” və s. Tanışların məsləhətilə Fəridi Mərkəzi Klinik Xəstəxanaya gətirdik”.

Baba öz şəxsi avtomobili ilə nəvəsini xəstəxanaya çatdırılıb. Həkimlərin müdaxiləsilə Fərid 2 dəfə cərrahiyyə stoluna çıxarılıb. Əməliyyat gecə saat 00:10 dəqiqə işləmiş başalyıb, 04:30-da bitib. Yalnız bundan sonra uşağın həyati təhlükəsi sovuşub. Amma məsələ bununla bitmir.

Allahyar Ağakişiyevin bildirdiyinə görə, 19 sentyabrda Mərkəzi Klinik Xəstəxanaya daxil olan anda 2078 manat qapıda ödəyib. “Ödənişli xəstəxana olduğundan pulu ödəməyincə bizi qəbul etmirdilər. Həmin məbləğ üçün isə bankdan kredit götürdük.

Daha sonra 3500 manat ödədim, artıq 3 gündür ki, ödəniş etmədiyimdən 578 manat borc yaranıb. Fəridin atasının onurğa sütununda problem olduğunundan çalışa bilmir. Anası isə süd vəzilərinin xərçəngindən əziyyət çəkir”. Nəticə etibarilə ailənin bütün yükünü Allahyar baba öz çiyinlərinə götürüb. Onun sözlərinə görə, evdə olan hər şeyi satıblar. “Artıq satılası heç bir şey yoxdur”.

Həkimlərin sözlərinə görə isə hazırda həyati təhlükəsi olmasa da Fəridin gələcək taleyi sual altındadır. İt uşağın cinsiyyət orqanını tamamilə qopartdığından ona 3-cü bir əməliyyat vacib buyrulub. Yalnız əməliyyat üçün 1758 manat, əlavə xərclərlə birlikdə 3000 manat tələb olunur.. Ailənin maddi durumu isə artıq tükənib. Nəzərə çatdırım ki, ailə məcburi köçkün olduğuna görə, xəstəxana Fəridə 30 % güzəşt edib. Bununla belə Allahyar Ağakişiyev göstərdikləri xidmətə görə, həkimlər Günel Abduləliyeva və Fuad Hüseynova, Cəbrayıl Rayon İcra Hakimiyyətinin başçısı Mahmud Quliyevə minnətdar olduğunu bildirib.

O, xəstənaxanada göstərilən qayğıdan razılıq etsə də, maddi imkansızlıqdan nəvəsinin əvvəlki sağlığına qayıtması üçün kifayət qədər pula ehtiyacı olduğunu vurğulayıb. "Təkcə gündəlik yeməyi üçün 30 manat, xidmət üçün 85 manat lazım olduğunu fikirləşsək, üstünə dərmanların xərcini də gəlsək, hələ 15 gün də burda qalmalı olduğumuzu da nəzərə alsaq...”

Biləsuvar rayonunun 10 saylı qəsəbəsinin 195 nömrəli ev sakini olan əslən cəbrayıllı məcburi köçkün Ağakişiyev Allahyar imkanlı şəxslərdən, səlahiyyət sahiblərindən kömək istəyir. O, xahiş edirik ki, bir körpənin gələcəyini taleyin ümidinə buraxmayaq.