Zakir Həsənov Moskvadadır

Azərbaycanın Müdafiə naziri, general-polkovnik Zakir Həsənov Rusiyanın paytaxtı Moskvaya səfər edib.

Teleqraf.com “Moskva-Baku” portalına istinadən xəbər verir ki, səfərin məqsədi MDB və Şanxay Əməkdaşlıq Təşkilatı ölkələrinin Müdafiə nazirləri Şurasının iclasında iştirak etməkdir.

Bununla yanaşı, sentyabrın 5-də Z. Həsənov “Tank Biatlonu” Ordu İdman Oyunlarının final mərhələsini izləyəcək.

Qeyd edək ki, iclas Moskvada “Patriot” konqres mərkəzində baş tutacaq. Həmin gün, həmçinin Kollektiv Təhlükəsizlik Müqaviləsi Təşkilatının Müdafiə nazirləri Şurasının iclasının keçiriləcəyi bildirilib.