"Ordumuz uğurlara imza atıb, açıqlama veriləcək” - İlham Əliyev

“Bu dəfə də bütün cəbhəboyu Azərbaycan Ordusu uğurlu əməliyyat keçirərək bir neçə şəhər və kəndimizi işğaldan azad edib. Biz daha böyük əzmlə, iradə ilə düşmənə qarşı vuruşacağıq”.

Teleqraf.com xəbər verir ki, bunu Türkiyənin “Haber Türk” televiziya kanalına müsahibəsində Azərbaycan Prezidenti İlham Əliyev söyləyib.

“Daha əzmlə, iradə ilə öz torpaqlarımızı azad edəcəyik. Azərbaycan bayrağını bütün işğal edilmiş torpaqlarda qaldıracağıq” - deyə, Prezident İlham Əliyev “Haber Türk” televiziya kanalına verdiyi müsahibədə vurğulayıb.

Dövlət başçısı qeyd edib ki, işğaldan azadetmə əməliyyatımız uğurla davam edir: “Bu gün səhər mənə verilən məlumata görə, Azərbaycan Ordusu bu istiqamətdə daha böyük uğurlara imza atdı. Bu məsələ ilə bağlı lazım olan vaxtda açıqlama veriləcək”.