Ermənistanın Azərbaycana qarşı həyata keçirdiyi hərbi cinayətlər araşdırılacaq - Foto

Türkiyə Böyük Millət Məclisi İnsan Hüquqları Komissiyası Ermənistanın Azərbaycana qarşı həyata keçirdiyi hərbi cinayyətlərlə bağlı araşdırmalara başlayacaq.

Teleqraf.com xəbər verir ki, bu fikirləri Gəncədə səfərdə olan Türkiyə Böyük Millət Məclisinin İnsan Hüquqları Komissiyasının sədri Hakan Çavuşoğlu bildirib.

Komissiya Gəncə şəhəri, eləcədə Bərdə və Tərtər rayonlarında mülki şəxslərin öldürülməsi bağlı faktlarını dünya ictimaətinə çatırılması üçün geniş miqyaslı işlərə başlayacaq. Məqsəd Ermənistanın Azərbaycana qarşı törətdiyi hərbi cinayətləri beynlaxlaq ictimətə çatdırmaq, ölkəmizin böyük şəhərlərində öldürülən günahsız insanların qətli ilə bağlı Ermənistan hakimiyyətini beynalxalq məhkəməyə cəlb etməkdir. Bildirilib ki, tarixdə müharibə zamanı günahsız insanların öldürülməsi ilə bağlı faktlar olub və bu əməlləri edənlər cəzalandırılıb. Beynalxalq qanunların verdiyi imkanlardan istifadə edərək Azərbaycanın iri şəhərlərinə qarşı balistik raketlərin atılmasına göstəriş verən hər bir kəsin məsuliyyətə cəlb edilməsi üçün Azərbaycan və Türkiyə tərəfi bütün hüquqi imkanlarından istifadə edəcək.

Qeyd edək ki, Türkiyə Böyük Millət Məlisi İnsan Hüquqları Komissiyasının sədri və 15 nəfərdən ibarət nümayəndə heyyəti Gəncə şəhərində raket düşən ərazilərə baş çəkib, öldürülən günahsız insanların yaxınları ilə görüşüb. Komissiya Gəncə ilə yanaşı Tərtər, Bərdə şəhərlərində də araşdırma başlayacaq. Türkiyə Böyük Millət Məclisi İnsan Hüquqları Komissiyasının dünyada insan haqq və hüquqlarının pozulması faktlarını araşdırmaq səlahiyyəti var.