Bu ölkədə korona peyvəndi pulsuz olacaq - Qanun qəbul edildi

Yaponiya parlamenti koronavirus peyvəndinin pulsuz olması ilə bağlı qanun layihəsi qəbul edib.

Teleqraf.com xəbər verir ki, qanun layihəsi Tokioda və ölkənin bir çox yerində infeksiyaların artmasından sonra qəbul edilib.

Qanun layihəsi insanları peyvəndləməyə çağırsa da, hökumət peyvəndlərin effektivliyi və təhlükəsizliyini yetərincə sübut etmədiyi təqdirdə fərdlərin peyvənddən imtina etməsinə icazə verəcək.

Qanuna görə, vaksin ciddi yan təsirlərə səbəb olarsa, hökumət müalicə xərclərini qarşılayacaq. Hökumət tərəfindən maliyyələşdiriləcək peyvəndlərlə əlaqəli inzibati yerli idarələr cavabdeh olacaq.

Bu qanunun Yaponiyada yaşayan əcnəbilərə aid olub-olmayacağına isə aydınlıq gətirilməyib.