Bugünkü statistika açıqlandı: 4387 yoluxma - 38 nəfər vəfat etdi

Bu gün ölkə ərazisində koronavirus (COVID-19) infeksiyasına 4387 yeni yoluxma faktı qeydə alınıb, 3330 nəfər müalicə olunaraq sağalıb və evə buraxılıb.

Teleqraf.com xəbər verir ki, bunu TƏBİB-in xəstəliklərin kontrolu və profilaktikası departamentinin müdiri Yaqut Qarayeva Operativ Qərargahın bu gün keçirilən brifinqində deyib.

O qeyd edib ki, sağalanların sayı artıb: " COVID-19 üçün götürülən analiz nümunələri müsbət çıxmış 38 nəfər vəfat edib. Ölkədə son sutka ərzində 20 000-dən çox, hazırkı dövrədək isə 1 865 mindən çox test aparılıb".