Qarabağın enerji infrastrukturu ilə bağlı Azərbaycan-İtaliya müqaviləsi imzalandı

İtaliya və Azərbaycan arasında Qarabağın enerji infrastrukturunun qurulması çərçivəsində əməkdaşlıq haqqında müqavilə imzalanıb.

Teleqraf.com-un məlumatına görə, italyanlar azad edilmiş ərazilərdə enerji infrastrukturunun yaradılmasına töhfə verəcəklər.

Ali Baş Komandan İlham Əliyevin rəhbərliyi ilə Azərbaycan ordusunun azad etdiyi ərazilərdə elektrik enerjisi infrastrukturunun yaradılması üçün qarşılıqlı müqavilə keçirilən video konfrans zamanı imzalanıb.

"Azerenerji"nin prezidenti Baba Rzayev qeyd edib ki, sənədə əsasən Azərbaycanın işğaldan azad edilən 4 rayon ərazisində – Kəlbəcər, Ağdam, Fizuli və Qubadlı rayonlarında inşa olunacaq 110 kilovoltluq yarımstansiyalarının elektrik avadanlıqlarının təchizatı nəzərdə tutulur.