"Əlimdən gələni edəcəyimə söz verirəm" - Rəhman Hacıyev

"Mənim üçün Qarabağ Dirçəliş Fondunun rəhbəri vəzifəsinə təyin olunmağım möhtərəm Cənab Prezident İlham Əliyev tərəfindən göstərilən böyük etimad, eyni zamanda, böyük məsuliyyətdir".

Bunu bu gün Azərbaycan Prezidenti İlham Əliyevin sərəncamı ilə Qarabağ Dirçəliş Fondunun İdarə Heyətinin sədri təyin olunan Rəhman Hacıyev sosial şəbəkədəki səhifəsində yazıb.

O qeyd edib ki, dövlət başçısı dəfələrlə qeyd etdiyi kimi, biz işğaldan azad edilmiş ərazilərimizin bərpasını, vətəndaşlarımızın bu torpaqlara qayıdışını təmin etməli və Qarabağı ölkənin dilbər guşələrindən birinə çevirməliyik.

"Əminəm ki, cənab Prezidentin rəhbərliyi altında həmin məqsədlərə çatmaq üçün Qarabağ Dirçəliş Fondu öz töhfəsini verməyi bacaracaq və işğaldan azad olunan ərazilərin Vətənimizin gələcəyinə tam inteqrasiyasının təmin edilməsində əhəmiyyətli rol oynayacaq. Bu etimada görə dövlət başcısına dərin minnətdarlığımı bildirirəm və qarşıya qoyulan vəzifələrin həlli üçün əlimdən gələni edəcəyimə söz verirəm".