Xocavənddə atışma - İki nəfər ağır yaralandı

Xocavənd rayonunda baş verən atışma nəticəsində iki nəfər yaralanıb.

Teleqraf.com-un xəbərinə görə, bu barədə Qarabağdakı separatçı rejimin “istintaq komitəsi” məlumat verib.

Məlumata görə, fevralın 14-də gecə saatlarında 24 yaşlı R.X. “Kalaşnikov” avtomatından bir iaşə obyektinə atəş açıb.

Atışma nəticəsində obyektin yanında olan 36 yaşlı G. X. və 26 yaşlı M.A. müxtəlif dərəcəli ağır bədən xəsarətləri alıblar.

Faktla bağlı cinayət işi açılıb. Qətlə təşəbbüs göstərən şəxs qanunsuz silah saxlama faktı ilə tutulub.