Bülbüloğlu Lavrova təşəkkür məktubu göndərdi

“Rusiya pandemiya ilə mübarizəyə böyük töhfə verir. Səfirlik əməkdaşlarına və onların ailə üzvlərinə pulsuz peyvəndləmə imkanı yaradılıb. Bunu diplomatik iş qaydalarına əsasən, müvafiq beynəlxalq sənədlər əsasında edirik”.

Bunu Rusiya Xarici İşlər Nazirliyinin sözçüsü Mariya Zaxarova həftəlik brifinqdə deyib.

Bununla əlaqədar Azərbaycanın Rusiyadakı səfiri Polad Bülbüloğlu Rusiyanın xarici işlər naziri Sergey Lavrova təşəkkür məktubu göndərib.

M.Zaxarovanın qeyd etdiyi kimi, bu məktubda Rusiya XİN-in təşəbbüsünün dərin hörmətə layiq olduğu və bütün diplomatik korpuslar tərəfindən yüksək qiymətləndirildiyi vurğulanır.