Türkiyəyə gedənlərin nəzərinə!

Türkiyənin Səhiyyə Nazirliyi ölkəyə səfər edən şəxslərin tibbi məlumatlarının qeyd olunduğu anketi təkmilləşdirib.

Teleqraf.com xəbər verir ki, martın 15-dən etibarən Türkiyəyə səfər edəcək şəxslər “Türkiyəyə giriş anketi”ni doldurmalı olacaqlar.

Bildirilir ki, xaricdən hava yolu nəqliyyatı ilə Türkiyəyə gələn şəxslər 72 saat içərisində “register.health.gov.tr” saytına daxil olaraq, təqdim edilmiş anketi doldurmalıdırlar.

Anket tamamlanandan sonra isə onun ya kağız daşıyıcıda, ya da mobil cihazlarda surətini özünüzlə götürmək məcburidir.

Sözügedən anketin sərnişinlər tərəfindən doldurulub-doldurulmadığı uçuşdan əvvəl aviaşirkət tərəfindən yoxlanılacaq.

Qeyd edək ki, elektron anketi doldurmaq məcburiyyəti tranzit sərnişinlərə aid deyil.