Azərbaycanlı gənc ABŞ-da "2021 Qoldvoter" təqaüdünün qalibi oldu

22 yaşlı Məhəmməd Abdulla "2021 Qoldvoter" təqaüdünün qalibi olub.

Axar.az xəbər verir ki, bu barədə Florida Universitetindən açıqlama verilib.

Abdulla UF Liberal İncəsənət və Elmlər Kollecində riyaziyyat üzrə mütəxəssisdir, kompüter elmləri mühəndisliyi ixtisası üzrə təhsil alır, UF-in fərqlənmə proqramının və araşdırma və tədqiqat proqramının (URSP) təqaüdçüsüdür. Abdulla Florida Texnoloji İnstitutunun, Pittsburq Universitetinin və Florida Universitetinin keçmiş və cari tədqiqatlarına əsaslanaraq, Qoldvoter vasitəsilə tədqiqatlar aparacaq.

“Beynin əsas funksiyaları necə yerinə yetirdiyini xarakterizə etmək üçün riyazi modelləşdirmə, optimallaşdırma və hesablama kimi üsullardan istifadə etməyi düşünürəm. Bu, süni intellekt kimi güclü texnologiyaların inkişafı üçün yeni əsas yaradır”, - Abdulla bildirib.

"Qoldvoter" təqaüdü — gərgin mübarizə nəticəsində əldə edilən mükafatdır. Həmin təqaüd riyaziyyat, təbiət elmləri və mühəndislik sahələrində araşdırma istiqamətində karyera qurmaq istəyən tələbələr üçün nəzərdə tutulub. Abdulla 2021-ci il müsabiqəsi üçün ABŞ miqyasında təqaüd verilmiş 475 tələbədən biridir. Qaliblər ölkədəki 438 təhsil müəssisəsi tərəfindən namizədliyi irəli sürülən 1256 tələbə arasından seçilib.

Qeyd edək ki, M.Abdulla Azərbaycan xalq yazıçısı mərhum Gülhüseyn Hüseynoğlunun nəvəsidir.