Keçmiş “NİDA”çı üzvlük üçün YAP-a müraciət etdi

“Radikal müxalifət partiyalarında təmsil olunan bir qrup gəncin formalaşdırdığı “NİDA” təşkilatının artıq keçmiş üzvü Elsevər Nəsrəddin oğlu Mürsəlli Yeni Azərbaycan Partiyasına üzv olmaq üçün ərizə ilə müraciət edib”.

Teleqraf.com-un məlumatına görə, bu barədə YAP-ın mətbuat xidməti məluamt yayıb.
Qeyd olunur ki, E.Mürsəlli YAP-ın Xaçmaz rayon təşkilatına ünvanlandığı müraciətdə “NİDA” təşkilatına qoşulmasını səhv yol kimi qiymətləndirib və bilmədən bu yola qoşulduğunu dərk etdiyini xüsusi vurğulayıb.

Keçmiş “NİDA”çı E.Mürsəlli YAP-a üzv olmaq üçün etdiyi müraciətində Azərbaycanda dinamik inkişafın olduğunu qeyd edərək, “qəti qərara gəldim ki, mən də ölkəmizin bu cür inkişafına biganə qala bilmərəm, hansı sahədə olursa-olsun, öz gücümü bu inkişafa sərf edəcəyəm və qərara gəldim ki, bu inkişafın önündə gedən Yeni Azərbaycan Partiyasının sıralarına daxil olum” – deyə, qeyd edib.

Qeyd edək ki, keçmiş “NİDA”çı E.Mürsəlli prezident İlham Əliyevin oktyabrın 17-də imzaladığı əfv haqqında sərəncama əsasən azadlığa buraxılıb.

Səxavət