Ana səhifə / Gündəm

AZAL-ın təyyarəsi Türkiyə səmasında hava boşluğuna düşdü

8 Avqust 2021 00:48
1 072
12 Punto 14 Punto 16 Punto 18 Punto

“Azərbaycan Hava Yolları” QSC-nin (AZAL) İstanbuldan Bakıya yola düşən (J2-176 reysi) A320 təyyarəsi Türkiyə səmasında güclü hava boşluğu zonasına düşüb.

QSC-nin mətbuat xidmətindən Teleqraf.com-a bildirilib ki, təyyarə yerli vaxt ilə saat 19:45-də Heydər Əliyev Beynəlxalq Aeroportunda uğurlu eniş edib. Uçuş zamanı sərnişinlərdən heç biri xəsarət almayıb.⠀

Aviaşirkət yaranmış narahatlığa görə sözügedən reysin sərnişinlərinə öz üzrxahlığını bildirir.

Qeyd edək ki, uçuş zamanı turbulentlik normal haldır və hava gəmiləri üçün təhlükə törətmir.

Belə təbii hadisə zamanı ciddi xəsarət almamaq üçün AZAL aviaşirkəti sərnişinlərə uçuş boyu kəmərləri bağlı saxlamağı, təşvişə düşməməyi və ekipajın tələblərinə əməl etməyi tövsiyə edir.

Müəllif: Teleqraf.com