Ərdoğan bu səbəbdən silahı NATO-dan yox, Rusiyadan alır – Kəşfiyyatçı

Türkiyə Rusiya silahlarına üstünlük verir, çünki Yunanıstanla hərbi toqquşma zamanı onların işinə arxalana bilər.

Teleqraf.com xəbər verir ki, bunu rusiyalı kəşfiyyatçı, Rusiya Xarici Kəşfiyyat Xidmətinin polkovniki Andrey Bezrukov “Rossiya 1” telekanalında yayımlanan “60 dəqiqə” proqramının efirində bildirib.

“Türkiyə Prezidenti Rəcəb Tayyib Ərdoğan Rusiya silahlarını yalnız ona görə alır ki, o, Yunanıstanla münaqişə zamanı NATO silahlarının işləyəcəyinə əmin deyil. Vaxtilə belə hallar olub”, - deyə kəşfiyyatçı deyib.

Qeyd edək ki, sentyabrın 29-da Soçidə Rusiya Prezidenti Vladimir Putinlə Türkiyə Prezidenti Rəcəb Tayyib Ərdoğan arasında 3 saat davam edən təkbətək görüş keçirilib.