Ukrayna ordusu rus hərbçilərinin səsyazısını yaydı: "Bizi çıxarın"

Ukrayna hərbçiləri rus hərbçilərinin danışıqlarını əldə edib.

Teleqraf.com bu barədə UNİAN-a istinadla xəbər verir.

Səsyazısında rus hərbçilərin Ukraynadan təxliyə olunmalarını xahiş etdikləri eşidilir.

Milli Qvardiyanın çevik reaksiya briqadasının mətbuat katibi Xariton Starski deyub: "Rusların danışıqlarını əldə etdik. Onlar Qostomel yaxınlığında məğlub oldular. Bu, Kiyevə gedən rus kolonalarından biri idi. Ukraynalılar onları İrpen bölgəsində bombaladılar. İşğalçılar Ukraynadan evakuasiya edilməsini xahiş edirlər".

Səsyazmada rus hərbçilərinin çoxlu itki verdikləri və onların buradan çıxarılması üçün yardım istədikləri aydın olur:

"Yazın. Qostomeldən Kiyevə gedən körpüdə atəşə tutulublar. Avadanlıqlar tamamilə sıradan çıxıb. Bizim bir hissəmiz... Biz meşədə hava limanına doğru irəliləyirik. İndi bundan sonra nə olacağını düşünürük. Mərkəzə çatdırın. Bizə kömək lazımdır. Yəni çıxarılmalıyıq”.