4 Oktyabr 2022 22:28
1 409
12 Punto 14 Punto 16 Punto 18 Punto

“Bizdə olan məlumata görə, noyabrın birinci ongünlüyündə Brüsseldə Ermənistan-Azərbaycan sülh müqaviləsi imzalanacaq.

Teleqraf.com xəbər verir ki, bu barədə Ermənistanda nəşr olunan “Past” qəzeti yazır.

Qəzetin yazdığına görə, guya Ermənistan Təhlükəsizlik Şurasının katibi Armen Qriqoryan Azərbaycan xarici işlər naziri Ceyhun Bayramovla görüşün təfərrüatlarını bildirmək üçün Brüsselə gedib.

Məlumatda həmçinin bildirilir ki, Avropa İttifaqının Cənubi Qafqaz üzrə xüsusi nümayəndəsi Toivo Klaar İrəvanı sazişin yekun variantını oktyabrın sonunadək Bakıya təqdim etməyə çağırıb.

“Mənbəmiz onu da bildirir ki, rəsmi Moskva artıq bu məsələyə müsbət münasibət bildirib”, - nəşr qeyd edir.

Xatırladaq ki, Bakı ilə İrəvan arasında sülh müqaviləsinin sonuncu müzakirəsi oktyabrın 2-də olub. Bu məqsədlə Ermənistan və Azərbaycanın xarici işlər nazirləri Cenevrədə görüşüblər.


Müəllif: Mənsur Rəğbətoğlu