Vatsapda yaranan problemin səbəbi açıqlandı

Vatsap messencerində bu gün baş verən nasazlıqların səbəbi bilinib.

Teleqraf.com xəbər verir ki, bu barədə Blumberq agentliyi məlumat yayıb.

Bildirilib ki, bu “Meta” şirkəti tərəfindən buraxılan texniki səhvdən baş verib.

“Biz bilirik ki, insanlar bu gün vatsapda mesaj göndərməkdə çətinlik çəkiblər. Problemi aradan qaldırdıq və yaranan narahatlığa görə üzr istəyirik. Qısamüddətli problem bizim tərəfimizdən texniki nasazlığın nəticəsi idi”, - deyə şirkət bildirib.

Vatsapda problemlər dünyanın əksər ölkələrində müşahidə olunub.

On minlərlə istifadəçi mesaj göndərərkən, serverə qoşulma problemlərindən şikayətlənib.