Tiflisdən Bakı və İrəvana təklif: “Biz hazırıq”

“Tiflis Bakı ilə İrəvan arasında parlamentlər səviyyəsində münasibətlərin normallaşmasına töhfə verməyə hazırdır”.

Teleqraf.com xəbər verir ki, bunu Gürcüstan parlamentinin spikeri Şalva Papuaşvili deyib.

“Biz Azərbaycan və Ermənistanla birlikdə parlamentlərin birgə səyləri ilə sülh və sabitliyin bərqərar olmasına töhfə vermək istəyirik”, - Papuaşvili bildirib.

Onun sözlərinə görə, bu səylər regionun inkişafı üçün ilkin şərtə çevriləcək.