ABŞ-dan Azərbaycan və Ermənistana mesaj: “İranın bu fəallığı...”

“Rusiya və İranın Cənubi Qafqaz regionunda fəallığı narahatlıq doğurur”.

Teleqraf.com xəbər verir ki, bunu ABŞ dövlət katibinin müavini Keren Donfrid deyib.

Onun sözlərinə görə, Qarabağda yerləşdirilən qondarma Rusiya sülhməramlıları konstruktiv rol oynamır və İran Cənubi Qafqazda siyasi, təhlükəsizlik və iqtisadi rolunu fəal şəkildə genişləndirməyə çalışır.

Donfrid Rusiyanın Ukraynaya qarşı başladığı müharibə səbəbindən son bir ildə bu narahatlığın artdığını bildirərək qeyd edib ki, Rusiya və İranın regional fəallığı Ermənistan-Azərbaycan sülh prosesini daha da aktuallaşdırmalıdır.