Elxan Süleymanov seçicilərini təbrik edib

Şamaxının millət vəkili Elxan Süleymanov seçicilərini Yeni il bayramı və Dünya Azərbaycanlılarının Həmrəylik Günü münasibətilə təbrik edib.

Millət vəkilnin Seçki Qərargahından Teleqraf.com-a verilən məlumata görə, bu gün Şamaxı rayonunda yaşayan 72 Qarabağ müharibəsi və 20 Yanvar şəhidi ailəsinə millət vəkilinin adından bayram sovqatları təqdim edilib.

Şamaxıda fəaliyyət göstərən uşaq bağçalarında tərbiyə alan 1150 uşağa da bayram hədiyyələri verilib. E.Süleymanov Şamaxı rayon 5 saylı uşaq bağçasındakı yeni il şənliyində şəxsən iştirak edərək, 75 uşağa bayram təbriklərini çatdırıb və hədiyyələrini təqdim edib.

Həmçinin E.Süleymanov rayon mərkəzindəki qərargahında bu il yüksək balla ali məktəblərə qəbul olmuş 28 şamaxılı tələbə, 33 Sabir qiraət müsabiqəsinin qalibi, 2 Seyid Əzim Şirvani təqaüdçüsü, eləcə də rayonun ən yaşlı və ən gənc müəllimləri Süleyman Zərbalıyev və Röya Qurbanova ilə görüşərək bayram arzularını yetirib və onlara özünün təsis etdiyi təqaüdləri təqdim edib.

BƏXTİYAR