Makronun Əliyevlə bağlı iddiasına Zaxarovadan cavab - Ələ saldı

“Bizi təəccübləndirmək çətindir, amma bəzən Fransa Prezidenti Emmanuel Makron buna nail olur. Məsələn, o, iyunun 28-də Marseldə Azərbaycan Prezidenti İlham Heydər oğlu Əliyevə Ermənistan Baş naziri Nikol Vovayeviç Paşinyandan daha çox təzyiq etdiyini açıqlayıb və deyib ki, o, "Qarabağ məsələsi ilə bağlı dəqiq mövqe sərgiləyən və təkbaşına həmin mövzunu dünya birliyinin gündəmində saxlayan yeganə şəxs"dir”.

Teleqraf.com xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib.

“Sizə deyə bilərəm ki, belə açıqlamalardan sonra Prezident Makronun “təvazökarlığının cəsarətindən sonra” ikinci yerdə olduğu hissi yaranır. Əlbəttə, Fransa prezidentinin bu kimi “xüsusiyyətlər”i, onun istər Qarabağın nizamlanmasında, istərsə də digər məsələlərdə "şəxsi rolu və xidmətləri" barədə pafosla danışması bizi davamlı təəccübləndirir. Amma heyif ki, belə “səmərəli iş”in nəticəsi barədə danışmır. Proses var, amma nəticə yoxdur. Yeri gəlmişkən, bu, təkcə Fransanın Qarabağın nizamlanmasında vasitəçiliyi məsələsində deyil, Makronun dəfələrlə öhdəsinə götürdüyü bir çox başqa işlərdə də o nəticələri heç kim görməyib.

Fransanın Qarabağın çətin problemlərinin həllinə “müsbət töhfə” vermək, ATƏT-in Minsk qrupunun işini sabotaj etmək və pozmaq bacarığı ilə bağlı heç bir şübhəmiz yoxdur, o cümlədən ötən ilin payızında Parisin səyləri ilə Fransa Milli Assambleyası və Senatı tərəfindən “Azərbaycanın təcavüzü”nü pisləyən, ölkəyə və onun rəsmilərinə qarşı sanksiyaların tətbiqini tələb edən qətnamənin qəbul edilməsi, Paris tərəfindən şübhəli mandatla və Azərbaycanın rəyi nəzərə alınmadan mülki missiyanın Ermənistana göndərilməsi - bütün bunlar bilik və peşəkar fəaliyyət tələb edən bu regional münaqişədə Fransanın gündəminin “parlaq nümunələri”dir.

Deyə bilərəm ki, bütün bunlar, nümayişkaranə addımlar tərəflərə kömək etmək deyil, Rusiyanı nizamlanma prosesindən çıxarmaq, öz siyasi, bəzən isə sadəcə seçkiqabağı məqsədlərini reallaşdırmaq məqsədi daşıyır. Nəinki danışıqlar prosesində müsbət nəticə əldə etmədilər, əksinə, Fransanın Ermənistan-Azərbaycan münasibətlərində vasitəçi rolunu gözdən saldılar”, - Zaxarova bildirib.