Döyüş yenidən şiddətləndi - Üç istiqamətdə hücuma keçdilər

Rusiya qüvvələri son sutka ərzində üç istiqamətdə - Liman, Baxmut və Marində irəliləməyə çalışsalar da, bu səyləri Ukrayna ordusu tərəfindən dəf edilib.

Teleqraf.com xəbər verir ki, Ukrayna Silahlı Qüvvələrinin Baş Qərargahı gün ərzində bu ərazilərdə 34 toqquşmanın baş verdiyini bildirib.

Ruslar Liman istiqamətində Novoyeqorivka rayonunda nəticəsiz hücum əməliyyatları keçirib, Baxmut istiqamətində isə Klişçivka ərazisində irəliləməyə cəhd göstərib.

Bundan əlavə, Ukrayna qoşunları Marində Rusiya qüvvələrinin irəliləmək cəhdlərini dayandırmağa davam edir.

“Eyni zamanda, Ukrayna müdafiə qüvvələri Melitopol istiqamətində hücum əməliyyatını davam etdirir, ələ keçirilmiş mövqelərdə möhkəmlənir, əks-həmlələrə qarşı tədbirlər görür”, - Baş Qərargah qeyd edib.