Ərdoğandan Əliyev, Putin və Paşinyana təklif – Rusiyadan reaksiya gəldi

Türkiyə, Azərbaycan, Ermənistan və Rusiya liderlərinin görüşünün tarixi və yeri ilə bağlı konkret məlumat yoxdur, məsələ hələlik təklif səviyyəsindədir.

Teleqraf.com xəbər verir ki, bu barədə RİA Novosti Türkiyə prezidentinin administrasiyasındakı mənbəyə istinadla məlumat yayıb.

“Görüşün vaxtı və yeri ilə bağlı konkret məlumat yoxdur. Hələlik məsələ cənab prezidentin təklifi səviyyəsindədir”, - agentliyin həmsöhbəti deyib.

Türkiyə Prezidenti Rəcəb Tayyib Ərdoğan bundan əvvəl Azərbaycan Prezidenti İlham Əliyev, Ermənistan Baş naziri Nikol Paşinyan və Rusiya Prezidenti Vladimir Putinə dördtərəfli görüş keçirməyi təklif etdiyini açıqlayıb.