Bakıya gələcəkləri deyilmişdi - Məlumat təsdiqlənmədi

ABŞ Dövlət Departamentinin sözçüsü Metyu Miller dövlət katibinin köməkçisi Yuri Kim və Beynəlxalq İnkişaf Agentliyinin (USAID) direktoru Samanta Pauerin Azərbaycana səfər edəcəyi ilə bağlı dünən yayılan məlumatı təsdiqləməyib.

Teleqraf.com xəbər verir ki, Miller onlarda belə bir məlumatın olmadığını deyib.

“Bölgədə olduqları müddətdə səfərləri ilə bağlı əlavə məlumatım yoxdur”, - ABŞ rəsmisi bildirib.

USAID rəhbəri və Yuri Kim Ermənistanda səfərdədir. Ermənistan xarici işlər nazirinin müavini Paruyr Ovannisyan dünən ABŞ rəsmilərinin Azərbaycana gələcəklərini demişdi.