“Sülh sazişi Yeni ildən dərhal sonra imzalanacaq” – Rusiyadan mesaj

Azərbaycan və Ermənistan arasında sülh müqaviləsi Yeni il bayramından dərhal sonra imzalana bilər.

Teleqraf.com xəbər verir ki, bu barədə Rusiyanın “Kommersant” qəzeti məlumatları mənbələrə istinadla bildirib.

Nəşr yazır ki, tərəflər Yeni ildən dərhal sonra imzalanacaq sülh müqaviləsi üzərində fəal işləməyə davam edirlər.

“Azərbaycan və Ermənistan liderləri İlham Əliyev və Nikol Paşinyan sülh müqaviləsini imzalamağa və 30 illik münaqişəyə son qoymağa həmişəkindən daha yaxındır”, - nəşr bildirir.